هدوء نائب المدير
عدد الرسائل : 1826 الاوسمه : اعلام الدول : مزاجك اليوم : المهنة : الهوايه : sms : وله فى خلقه شئون !!!! تاريخ التسجيل : 13/05/2008
بطاقة الشخصية اللعبه: 1
| موضوع: البجعة الكدابة السبت يوليو 17, 2010 2:03 pm | |
| السلام عليكم ورحمة الله وبركاته كان ياما كان ياسادة ياكرام مايحلى الكلام الا بذكر نبينا محمد عليه الصلاة والسلام كان فيه بجعة كبيرة فى السن كانت قاعدة زعلانة انها مش عارفة تصطاد السمك علشان تاكله وفى يوم من الايام سمعت اتنين صيادين واحد بيقول للتانى تعالى نصطاد هنا السمك كتير الصياد التانى قاله لالالا تعالى فيه مكان تانى فيه سمك اكتر نروحه الاول وبعدين نيجى نصطاد اللى هنا وراحوا يصطادوا فى المكان التانى البجعة سمعتهم وزعلت اكتر وهى جعانة مش عارفة تصطاد سمكة واحدة وبعدين خرجت كابوريا من المياه ولقت البجعة قاعدة زعلانة سالتها زعلانة ليه يا بجعة البجعة قالتلها انا سمعت الصيادين وهم بيقولوا هيجوا يصطادوا السمك اللى هنا راحت الكابوريا على السمك وقالتلهم اللى سمعته من البجعة سال السمك الكابوريا وبعدين يا كابوريا نعمل ايه قالتلهم مش عارفة اسالوا البجعة وفعلا راحوا وسالوا البجعة قالتلهم ادخلوا هنا فى فمى وانا انقلكم مكان تانى مفهوش صيادين وفعلا السمك عمل زى البجعة ما قالتلهموكل يوم البجعة تاخد شوية سمك وتطير بيهم لحد ماجات الكابوريا وقالت للبجعة انقلينى مع اصحابنا السمك علشان انا خايفة الصيادين يصطادونى البجعة قالتلها ماشى وطارت بالكابوريا والكابوريا متعلقة فى رقبة البجعة واول ما البجعة وصلت المكان اللى كانت بتنقل فيه السمك الكابوريا اتخضت لقيت المكان مليان بشوك السمك وعرفت ان البجعة كدابة وكانت بتضحك عليهم وبدل ما كانت بتنقل اصحابها السمك كانت بتاكلهم وبترمى الشوك بتاعهم فى المكان ده وعرفت الكابوريا ان البجعة الكدابة هتاكلها وتغدر بيها زى ما عملت مع اصحابها السمك راحت الكابوريا خنقت البجعة بمكالبها وماتت البجعة الكدابة ورجعت الكابوريا تانى لاقرب مكان فيه مياه وتوتة توتة خلصت الحدوتة | |
|
المدير admin
عدد الرسائل : 1572 الاوسمه : مزاجك اليوم : المهنة : الهوايه : sms :
تاريخ التسجيل : 12/04/2008
| موضوع: رد: البجعة الكدابة السبت يوليو 17, 2010 11:27 pm | |
| | |
|
هدوء نائب المدير
عدد الرسائل : 1826 الاوسمه : اعلام الدول : مزاجك اليوم : المهنة : الهوايه : sms : وله فى خلقه شئون !!!! تاريخ التسجيل : 13/05/2008
بطاقة الشخصية اللعبه: 1
| موضوع: رد: البجعة الكدابة الأحد أكتوبر 17, 2010 10:22 pm | |
| | |
|