هدوء نائب المدير
عدد الرسائل : 1826 الاوسمه : اعلام الدول : مزاجك اليوم : المهنة : الهوايه : sms : وله فى خلقه شئون !!!! تاريخ التسجيل : 13/05/2008
بطاقة الشخصية اللعبه: 1
| موضوع: سمكة عم عثمان السبت سبتمبر 20, 2008 10:04 pm | |
| السلام عليكم ورحمة الله وبركاته كان ياماكان ياسادة ياكرام مايحلى الكلام الا بذكر نبينا محمد عليه الصلاة ازكى السلام كان فى زمان رجل طيب وغلبان اسمه عم عثمان وكان بيشتغل صياد كالن كل يوم عم عثمان ياخد شبكته اللى بيصاد بها ويركب مركبته ويتوكل على الله وينزل البحر يرمى شبكته فى المياه ويقول بسم الله وفى يوم من الايام عم عثمان بعد مارمى شبكته قعد يغنى السمك سمع صوت عم عثمان وعجبهم الصوت ولما عم عثمان خلص اغنيته راحت سمكة خرجت من المياه وقعدت تصقف وتقول هيييييه الله صوتك جميل ياعم عثمان راح ع عثمان رمى الشبكة فوق السمكة السمكة زعلت وقالت لعم عثمان بقى كده ياعم عثمان ده جزائى انى بقولك صوتك جميل تروح تمسكنى قالها وانا اعمل ايه بس انا مش اصطادت ولاسمكة لحد دلوقتى ولازم اصطاد حاجة علشان ابعها فى السوق واجيب بتمنها اكل اكله راحت السمكة قالت لعم عثمان طيب انا هاقولك فكرة انت خرجنى من الشبكة وانا هفكر فى شغل تانى تشتغله غير شغل الصياد قالها ياسلام علشان اخرجك مترجعيش تانى قالتله لالالا انا مش بعرف افكر وانا محبوسة وصدقنى لما بقول كلمة بنفذها سكت عم عثمان شوية وبعدين قالها ماشى وخرجها بره الشبكة ورجعت السمكة للمياه وبعدين راحت لاصحابها السمك وحكت لهم اللى حصل قالولها الحمد لله انك هربتى منه قالتلهم طيب فكروا معى فى شغلة اقولها لعم عثمان بدل شغل الصياد قالولها انتى مجنونة ولاايه هو فى حد يرجع للشبكة بنفسه عم عثمان فى الوقت ده فضل مستنى السمكة ترجع تانى وبعد مافات وقت وهو مستنى قال هى السمكة ضحكت عليا ولاايه بقى ده جزائى فى الاخر وبعدين لقى السمكة ظهرت من المياه وقعدت تنط وتعمل حركات تضحك عم عثمان قعد يضحك وبعدين السمكة قالتله انا اسفة ياعم عثمان لكن بصراحة ملقتش شغل تانى تشتغله غير الصياد وانا رجعت زى ماقلتلك اهو ولو عاي تبعنى تفضل قالها لا خلاص انا هسيبك بس بشرط تنطى فى المياه زى ماعملتى من شوية قالتله بس كده حاضر وققعدت تعمل حركات تضحك وعم عثمان يضحكراحت السمكة قالتله ياعم عثمان انت مبسوط وبتضحك على الحركات اللى بعملها قالها اه قلتله طيب انا جاتلى فكرة انت كل يوم تجمع الناس والاولاد الصغيرين على الشط وتاخد فلوس علشان يتفرجوا عليا وانا هظهر كل يوم بعد العصر واعمل حاجات تضحكهم قالهم ماشى راح عم عثمان وقال للناس فى البلد اللى قاعد فيها الناس قالوله هو انت مجنون حد يصدق كلامك ده وراحوا الولاد الصغيرين اتلموا على عم عثمان وسالوه هى السمكة هتيجى متى قالهم بكره عند البحر بعد العصر بس هاتوا معاكم فلوس وفعلا تانى يوم الولاد الصغيرين كلهم اتجمعوا عند الشط والسمكة ظهرت بعد العصر زى مااتفقت مع عم عثمان وعملت حركات تضحك فى الهوا والمياه وعم عثمان لم فلوس كتير من الاولاد وبعد الغروب السمكة روحت وعم عثمان قال الحمد لله انا كسبت كتير من فكرة السمكة اكتر من اللى كنت بكسبه وانا صياد وقال يارب يارب مفيش صياد تانى يصطاد السمكة دى وتوتة توتة خلصت الحدوتة | |
|