نور والقمر البنور

كان ياماكان ياسادة ياكرام مايحلى الكلام الا بذكر نبينا محمد عليه الصلاة والسلام كان فيه بنت صغيرة اسمها نور كانت على طول تحب تبص على القمر وتقوله الله انت جميل قوى ياقمر انا نفسى اعيش عليك وفى مرة من المرات جات مامتها ونور بتبص من الشباك قالتلها بتعملى ايه عندك يانور قالتلها ياماما بصى بصى على القمر ده جميل قوى ونفسى اعيش عليه مامتها قالتلها القمر جميل لكن مينفعش نعيش عليه لانه مفهوش لااكل ولا شرب راحت نور اخدت لعبها وطلعت تلعب فى حديقة بيتهاوقعدت تبص للقمر وقالتله انت جميل قوى ياقمر راحت الزرافة قالتلها يانور يانور يااجمل نور تعالى اطلعى فوق رقبتى وانا اوصلك عند القمر البنور فرحت نور قوى وطلعت فوق رقبة الزرافة وبرضو موصلتش للقمر البنور وبعدين قعدت نور تعيط وزعلانة خالص وبعدين جاء النسر وقالها يانور يانور يااجمل نور تعالى فوق ظهرى وانا اصلك للقمر البنور فرحت نور خالص خالص وطلعت فوق ظهر النسر وبرضو موصلتش للقمر البنوروبعدين قعدت نور زعلانة جدا وبتعيط جت مامتها قالتلها مالك يانور بتعيطى ليه حكتلها اللى حصل جات مامتها ضحكت وعرفت نور انها كانت بتحلم وجت مامتها قلتلها طيب يلا بقى تعالى نامى والمرة دى هتوصلى عند القمر البنور

كلامك صح ياهيام بس لو استمرينا نحلم وبس من غير مانحاول نحقق ونوصل للى بتحلم به يبقى بنضحك على نفسنا وبنعيش وهم
شكرا ياهيام على مرورك نورتى