لعبه مسليه وحلوه للاعضاء فقط

كل عضو هيدخل يسجل رد على سؤال العضو اللى قبله ويسيب سؤال للعضو اللى ييجى بعده وهكذا ابدا انا الاسئله واللى بعدى يجاوب ويترك سؤال للى ييجى بعده


السؤال هو لو انت فى مشوار بعيد واكتشفت ان فلوسك اللى معاك كلها اتسرقت تعمل ايه ؟؟؟؟؟؟؟؟؟؟؟؟

اكيد يعني هاجي واستلف منك مش عايزه كلام





لو كنت ماشي في صحره ومره وحده لقيت قدامك اسد كبير

بس مراتك معاك ومعاك مسدس في طلقه واحده بس


ماذا تفعل لو كنت مكانه

معليش ياجماعه الزهيمر بقا وحكم السن قصدي اسدين يعني ومراتك وطلقه وحده في المسدس هتعمل ايه

لا متخافوش انا معاكم علي الخط يا ميرو ويا استاذ سحس اقصد حسام سوري وسؤالي بقي ليكم انتم الاتنين علشان انتم لا بلاش للاستاذ حسام يزعل ومعجباتو يهربو منو انتي يا مدام ميرو لو لو اكتشفتي يعني ان جوزك وللعياذ بالله وبعد الشر عليكي انو بيخونك هتتصرفي معاه ازاااااااااااااااااي ؟قوليلي والنبي اصل اختك خيبه وعاوزه اتعلم قلا ما ادبس واتجوز

فين السؤال ؟

هقولك حاجه يا ميرو بجد بس بدون زعل وفي نفس الوقت فيه اجابه لسؤالك اللي سالتيه اعمل ايه لو حبيبي خاني او جوزي يعني بعدين
اولا مفيش راجل مثالي يعني الرجل بطبيعتو بيحب يجرب كل حاجه وفيه تعليقات لرجاله لما بيعملو كده قال علشان يعرفوا ان معاهم كنز اسمو مراتي طبعا داه كلام فاضي الراجل عنيه دايما زايغه بيحب يبص كتير بره علي البنات والستات بردو مهما عملت الست جوه علشان تخليه مثالي بره بس بردو مبينفعش اما بخصوص سؤالك لو حبيبي خاني فانا بالطبع اتعرضت لداه واتخنت من حبيبي اللي حبيتو بس اعمل ايه ولا حاجه زعلت شويه وبعدين مارسة حياتي عادي لاني حطيت لنفسي نظريه ان كان هو سمح لنفسو انو يخون انسانه حبتو وهوعارف كده يبقي انا مزعلش عليه بس اتعلم من تجربتي دي وطبقت المقوله المشهوره (لا تبكي علي اللبن المسكوب)

عندك حق طبعا وانا مقصدتش المثاليه يعني هو ملاك
لا طبعا كل واحد لازم يغلط بس انا متاكده تمام التاكيد ان جوزي لو حصل ايه عمره ميخوني لانه اصلا مش في طبعه الخاينه ولو حصلت لو يعني هكون عرفه ممكن اقولك حتي قبل ميحصل وده طبع الي بيخليني اثق في انه عمره ميخوني ثقه عمياء وبعدين لو هيخون يبقا لازم يتعلم درس قبل منا اتعلمه لاني اكيد مش مقصره معه والحمد لله اني واثقه في نفسي وفي جوازي وبرده عند رائي انه مستحيل يخوني زي بالظبط انه ميخونش صاحبه اظن اني انا مش اقل اهميه من اي حد من اصحابه واكيد هسمحه اكيد اكيد

بصي يا هيام الي بيني وبين جوزي مش هينفع الكلام في كده انتي لو عرفتي قصتنا والله تنفع فيلم وعمري مهقدر اقولك عاملنا ايه انا وهو عشان نبقا لبعض في الاخر ومش ممكن بعد كل ده هيخوني لمجرد نزوه بسيطه لو عايزه تقري السناريو بتعا قصتنا هستناكي ميل
يمكن تنفعي البطله وتقومي بدور ميرو في الفليم

ههههههههههههههههههههههههههههههههههههههههههههههههههههههههههههههههههه

السؤال للكل الكل يجاوب عشان نعرف رائي البنات واشباب في الموضوع ده

هدوء حبيبتي السؤال
هو لو حبيبك او زوجك خانك هتعملي ايه وهتسمحي ولا لاء؟؟؟؟

مفكرتش فى حاجة زى كده ومعرفش رد فعلى ممكن يكون ايه

لو انت كنت مسافر ومعاك زجاجة مياه ومش فيها الا اللى يكفى لشرب شخص واحد بس وانت بطلعها من الشنطة ولسه هتشرب لقيت اللى بيبصلك قوى وشكله عطشان اكتر منك هتشربه هو ولا هتشرب انت بس اللى يجاوب يجاوب بصراحة

هتصل بهم واقولهم حد يجيلى دلوقتى ومعاه فلوس او لو انا فى محافظة وفيها حد اعرفه اروح لها وطبعا هى من نفسها هتغدينى وهتشربنى الشاى وهتركبنى وهتخلينى اتصل من عندها علشان اطمن البيت عليا

لو انت ماشى فى الطريق وفجاءة لقيت اللى بيناديك باسمك وازيك اخبارك ايه وياخدك بالحضان وانت مش فاكر اسمه ولا تعرفه هتعمل ايه؟

طبعا بتحصل ساعات انى ممكن اقابل حد اكون اعرفه بس مش فاكره اسمه والله بحاول وهى بتحكى اجمع اسمها لحد ما افتكر بس لو محصلش بيبقى الواحد شكله وحش اوى

ايه هيكون موفقك وانتا رايح لحد بيته وانتا متاكد انه مش هيرفضلك طلب عاوز منه الصلب دى ضرورى وفجاه تلاقى منه العكس من الرفض وعدم الهتمام بموضوعك ؟؟؟؟؟؟؟

صراحة هزعل واضايق واغيب فترة زعل ده لو كان الشخص يقدر يعملى الطلب وطنشنى اما لو عرفنى انه لا يملك من الامر شىء وانه ميقدرش يعمل حاجة مش بزعل وبخدها عادى ولا كان حاجة حصلت

سؤالى لو انت ماشى فى الشارع ولابس انضف حاجة عندك ومرة واحدة لقيت واحدة بنت حلال كبت عليك مياه مش نضيفة هتعمل ايه ؟

[b]بصي بما اني شاب يعني طبعا هشكرها علي الميه اللي اندلكت عليا واخد منها معاد علشان نتقابل وتعتذرلي
لو جالك عريس وقالك في وشك انك انتي مش عجباه هتعملي ايه وانت كمان يا رجل جاوب علي اساس انك العريس والعروسه رفضتك[/b]

هاقوله يعنى انت شايفنى هموت عليك مع الف سلامة
سؤالى ياهيام بيكون على وجه العموم مش لواحد او واحدة يعنى اللى يرد يرد على اساس نوعه
لو واحدة صاحبتك عزمتك على مناسبة عندها وانتى فعلا كنتى رايحة بس جه سبب تانى وخلاكى اضطريتى متروحيش مع ان صاحبتك كده هتزعل تعملى ايه والسؤال للبنات او الشباب

اكيد لو شرحتلها ظروفى مش هتزعل
وعوضهلها فى حاجة تانية

فين السؤال ؟

لو انتى بتحبى واحد وفجاء طلع متجوز هتعملى فية اية