وين القـصيد اللي.. تجمّل قـــوافـــيه
بـكـتب قـصـيـده..مـاتـلتهـا قـصيـده
بكتب قــصيدٍ بحـــره المــــوق والتيه
وأعسف من خيول القوافي عنيده
وأطــوّعه..واروّضــه..وانتخي فـــيه
لا شك ابخضع له..وانا ..... .....
الله .. عـلى شـعــرٍ جــزالٍ مــعـــانيه
فيه الجـمال.. وبــه بـحـورٍ جـديـده
أبـغى قـصـيـدٍ.. عـــالـياتٍ .. روابــيه
وله مـنـزلٍ فـوق الـنـجـوم البعيـده
أبـغى قـصـيـدٍ.. ما رسى في مراسيه
غـيـري..ولامـن جـاه غـيري يكيده
كـله لأجـل.. مـن نـور عـيني فـداويه
الــغـالي الـلي..لـه حـياتي ..زهيـده
اللي سـكـن بأقصى الضماير وأحييه
وأحس روحي دون شوفه.. شريده
وإن قيل..من تسكن حروفك بأراضيه
من غيرها.. يـستاهل أحلى نـشيـده
أمي..غــلا عـمـرٍ مـضـى مع تـواليه
نـور العـيـون..وبهجة العمر..عيده
يمّه..هـــلا بـك ..والغــلا..مــايـكـفـيه
لـو يرخي الشـاعر للأبيات.. قـيـده
يمّه..غــلاك يـفـوق مـا كنت ابـحـكيه
وانا افـتـخـر بـه.. ليت ربي يـزيـده
غـلاك..نـبـض الـروح..والروح تغليه
غــلاك دمي ..والـمـشـاعر وريـده
لو أقـدر آخـذ عـمـر..ولعـمـرك أهديه
أهـديت لك عـمـري..بنفسٍ سعيـده
الله يـديـمـك ..عــــز..ويـعــزني فــيــه
هــذا كــلامي..واقـبلي هـالقـصيـده
الرئيسية 
