الاسد والثعلب

السلام عليكم ورحمة الله وبركاته

كان ياما كان ياسادة ياكرام مايحلى الكلام الا بذكر نبينا محمد عليه الصلاة وازكى السلام كان فيه زمان اسد فى غابة من
الغابات وكان الحيوانات كلها بتخاف منه لكن بيحبوه لانه مكنش بياكل حيوان تعبان او ضعيف وفى مرة من المرات والاسد بيصطاد رجله اتكسرت وتعبته وفضل فى بيته ميخرجش علشان رجله وجعاه وبعدين حس بجوع شديد قعد يعمل زئير عالى بصوته علشان بعد ماشاف غزالة وفكر انه ياكلها الغزالة سمعت صوته خافت ووقفت فى مكانها وبعدين اول الاسد ماقرب عليها هربت منه جرى وراها الاسد رجله وجعته اكتر رجع تانى لبيته وقال المرة الجاية ادور على حيوان بطىء وفضل الجوع يزيد عليه لحد ماشاف بقرة بتشرب من المياه قربزئر بصوته العالى البقرة خافت ووقفت فى مكانها وبعدين اول ماقرب منها طلعت تجرى ومقدرش يجرى وراها علشان رجله وجعاه وبعدين رجع بيته وهو متغاظ ومضايق وكمان جعان وقعد يفكر يجيب الاكل ازاى وافتكر ا التعلب كان واخد منه رجل بقرة قبل كده ياكلها ومرجعش بدالها راح بعت للتعلب وفكره باللى اخده وقاله رد اللى اخدته التعلب قاله بس انا معنديش حاجة دلوقتى بس لى عند الارنب الرمادى دين الاسد قاله معاك مهلة لاخر النهار خرج التعلب من عند الاسد وراح عند الارنب وقاله انت اخدت منى برسيم وجزر ومردتهوش لحد دلوقتى وانا عايزك ترد الدين الارنب قاله بس انا معنديش حاجة اردهالك دلوقتى اصبر عليا لاخر اليوم وانا هروح للفرخة علشان لى عندها دين راح التعلب قاله لا انا عايز دينى يترد دلوقتى وراح التعلب هجم على الارنب واكله وقال ده جزاء اللى ميردش دينه وبعدين خرج التعلب من بيت الارنب وراح بيت الفرخة وقالها انا كان لى دين عند الارنب وبعتنى لكى وقالى انه له دين عندك قالتله بس انا معنديش دلوقتى حاجة فى البيت استنى عليا لبليل لحد ماابيض بيضة وتاخدها قالها انا لسه هستنى لبليل وكمان فى الخر هتدينى بيضة وهى البيضة هتشبع الاسد وراح هجم عليها واكلها وقال ده جزاء اللى مسددش دينه وبعدين خرج من بيت الفرخة وراح للاسد وهو فى طريقه كل الحيوانات استخبت منه بعد ماعرفوا اللى عمله مع الفرخة والارنب وبعد ماوصل عند الاسد قاله انا مقدرتش اجيبلك حاجة النهاردة استنى عليا لبكره جه الاسد قاله وانت كنت استنيت على الارنب والفرخة وراح هجم عليه جه التعلب يهرب مقدرش علشان كان اكل كتير مسكه الاسد واكله وقاله ده جزاء اللى ميسددش دينه
وتوتة توتة خلصت الحدوتة