الى يعرف الحب الحقيقى يدخل ويجاوب

مشكورة اوى ياسهر للموضوع ده
انا هقول رائى على قد ماقدر
1. علشان نقدر نعيش
2- اننا نستمتع بكل لحظاته
3- اجمل مافى الحب عذابه
4- بيكون فى خطر اما كل واحد يحسب اللى بيديه للتانى لان الحب عطاء من غير انتظار لمقابل
5- يقدر اما يكون حب قلب مش حب عقل بس مهما كان نوع الحب فاكيد هيخلينا احسن كتير فى تصرفتنا
6- اساس الحب هى العطاء الوفاء الاخلاص
7- الحب ممكن يتغير مع ظروف الحياة او الضغوط العصبيه
8- لا يجوز الحب اما يكون مش من حقنا او حرام
9- يتحول الصداقه لحب اما كل واحد ميقدرش يستغنى عن التانى
10- بيكون فى مرحله الانانيه اما حبيبى ياخد كل حاجه ويستكتر فيا حتى كلمه حنينه
11- الحب من وجهه نظرى هو حياتى اللى عايشاها ومعرفش اعيش من غيره
12- اعرف انى بحب حب حقيقى مش مراهقه اما ابطل ابص على ابن الجيران من الشباك كل شويه هههههه
13- الحب حب للشخص ذاته بكل حسناته وعيوبه زى مابيقولو مرايه الحب عاميه .. اما الاعجاب هو انى اعجب بتفاصيل معينه فى شخص زى اخلاقه كلامه شخصيته او حتى شكله ومشيته .. اما الرغبه دى ههههههههه لاء معرفش
14- اكيد بتاثر زى ماكتير بنشوف حالات حب وبيكون حب كبير اوى وفى الاخر بيتفرقوا بسبب ضعف الامكانيات الماديه او اتنين متجوزين الحب بينهم بيضيع نتيجه لضغوط الحياة وظروف العمل اللى بتخليهم حتى مش قادرين يقولو لبعض كلمه حلوة وده بنسمع عنه كتير اوى
15- اللى تعمل فى حبيبها كده تبقى متستهلش حبه او حتى انه يفكر فيها لانها لو كانت بتحبه مكنتش هتتخلى عنه طالما فى استطاعتها كده
16- ممكن مع ناس ينفع اوى وليه لاء طالما بيحبو بعض وهو عنده استعداد انه يكون احسن والرسول صلى الله عليه وسلم قال اذا اتاكم من ترضون دينه وخلقه فزوجوه ان لم تفعلوا تكن فتنه فى الارض وفساد كبير صدق رسول الله صلى الله عليه وسلم
بس فى ناس كتيره بيقولوا الحب وحده لا يكفى او الحب واشياء اخرى
17- لو الحب ضد الاهل هحاول اقنعهم واعرف ايه وجهه نظرهم من الرفض قدرت اقنعهم يبقى كسبت دينى ودنيتى ولو مقدرتش هستفتى قلبى لو حبى مش غلط اكيد هختاره هو والزمن كفيل انى اقدر انسيهم اى زعل
18- لاء خالص انا ضد كده لسبب مقنع جداااا قال تعالى ( وَلَا تَنْكِحُوا الْمُشْرِكَاتِ حَتَّى يُؤْمِنَّ وَلَأَمَةٌ مُؤْمِنَةٌ خَيْرٌ مِنْ مُشْرِكَةٍ وَلَوْ أَعْجَبَتْكُمْ وَلَا تُنْكِحُوا الْمُشْرِكِينَ حَتَّى يُؤْمِنُوا وَلَعَبْدٌ مُؤْمِنٌ خَيْرٌ مِنْ مُشْرِكٍ وَلَوْ أَعْجَبَكُمْ أُولَئِكَ يَدْعُونَ إِلَى النَّارِ وَاللَّهُ يَدْعُو إِلَى الْجَنَّةِ وَالْمَغْفِرَةِ بِإِذْنِهِ وَيُبَيِّنُ آيَاتِهِ لِلنَّاسِ لَعَلَّهُمْ يَتَذَكَّرُونَ )
19- انواع الحب كتيره اسماها الحب فى الله والحب اللى من غير مقابل زى حب الام لاولادها ومن انواع الحب : حب القلب - حب العقل - حب الذات - حب الوطن - حب الدنيا


دى مش قاعده ثابته اكيد ده مجرد تعبير عن رائى واكيد فى موافق للرأى ده وفى معارض