جحا وحماره

السلام عليكم ورحمة الله وبركاته

كان ياما كان ياسادة ياكرام مايحلى الكلام الا بذكر نبينا محمد عليه افضل الصلاة وازكى السلام كان فيه زمان رجل طيب اسمه جحا وكان عنده حمار وفى يوم من الايام خد ابنه والحمار ونزل السوق يشترى شوية حاجات للبيت وكان ماشى هو والحمار وابنه الناس شفته وقعدوا يضحكوا عليه ويقولوا شفتوا الرجل المجنون معاه حمار وماشى هو وابنه على رجلهم راح جحا ركب الحمار هو وابنه وفات على ناس تانية قعدوا يقولوا لا حول ولاقوة الا بالله شوفتوا الرجل اللى مفيش فى قلبه ذرة رحمة راكب هو وابنه فوق الحمار المسكين راح جحا نزل من على الحمار ومخلى ابنه راكب وفات على ناس تانية راحوا الناس قالوا الولد ده قليل الادب ومش متربى ازاى يركب الحمار ويخلى ابوه يمشى على رجله راح جحا منزل ابنه وركب هو وفات على ناس تانية الناس قالوا ده راجل قاسى راكب هو وسايب ابنه الغلبان ماشى على رجله راح جحا نزل من فوق الحمار وشال الحمار هو وابنه وراح فات على ناس تانية وقعدوا يضحكوا ويقولوا جحا اتجنن خلاص وعرف جحا ان الناس ميعجبهاش العجب ولا الصيام فى رجب وانه مهما يعمل مش هيعرف يرضى الناس

وتوتة توتة خلصت الحدوتة