كرسى الاعتراف

اللعبه هى اسمها كرسى الاعتراف وعلى كل اعضاء المنتدى اختيار عضو لكى يبدء معه كل اعضاء المنتدى الاسئله غدا بعد ان اقول اسمه بس لازم يجاوب بصراحه يا اما بلاش والاسئله التى لا يريد الاجابه عليها لا يجيبها بليز كل واحد يقترح اول مشترك

وانا عن ذات نفسى اقترح المدير

الله عليكى ياهدى بوصيكى على المدير وحياتى عندك زودى الأسئلة شوية
لأ شويتين ثلاثة

انا برده يا مريهان بشجعك على مواجهه مسيو حسام بكره وياريت هيوم بعده على طول

ربنا معاك يا حسام
اكيد مريهان محضره مجموعه اسئله تجنن
مشكوره

مريهان هطظبطك مسيو حسام

يلا نبدأ الاسئله ياريت مستر حسام يجاوب لوحد من غير غش الغش ممنوع فى اللعبه دى

1- موقف مر عليك وتتمنى لو يرجع وتصلحه؟
2-حاجه غريبه سمعت عنها اغو شفتها؟
3-الشخص الوحيد اللى انت مستعد تضحى علشانه؟
4- ايه الاهم فى حياتك كرامتك ولا قلبك؟
5- اكتر حاجه عملتها غلط وزعلت حدة منك؟
6- مين الشخص الجذاب فى حياتك؟
7-اكتر حاجه بتحبها فى نائب المدير واكتر مبتعجبكش فيه؟
8- بتكدب فى حياتك؟
9- اكتر حاجه زعلت منها ؟
10-متى تسقط المرأه من نظرك؟
11- ازاى تعرف شخصيه الينت اللى ادامك؟
كفايه كده انهرضه نكمل بكره

الأسئلة دى صعبة أوى قلبى معاك ياأستاذ حسام

اسئلة جميلة اوى ياميرى

اولا شكرا على الاسئله دى منك لله يا مريهان انتى شكلك هترجعى مش عضو لا زائر هههههههههه
نبدا الاجابه على بركه الله وربنا يستر
1- الموقف اللى مر عليه واتمنى ارجع واصلحه هو مجموعى فى الثانويه العامه لانى خدنى الغرور ومكنتش بزاكر معتقد انى فوق المزاكره لذلك جبت 80 فى الميه ادبى ودة اقل من ما الكل متوقع اتمنى ارجع وادخل الثانويه وادخل عملى كمان واثبت مقدرتى من تانى
2-الحاجه الغريبه اللى سمعت عنها هى ان بيقال ان فيه احد الفراعنه عمل مقبرته وفيه فتحه صغيره تدخلها الشمس تلقائيا يومين فقط فى السنه يوم مولده ويوم جلوسه على العرش اتمنى اشوفها انا ما شوفتهاش
3-الشخص الوحيد اللى مستعد اضحى علشانه امى
4- الاهم فى حياتى كرمتى قبل قلبى وقبل اى حاجه فى الدنيا
5-اكتر حاجه عملتها غلط وزعلت حد منى هى انى زعلت والدى قبل وفاته بفتره ودى اكتر حاجه هفضل ندمان عليها طول عمرى
6-الشخص الجذاب فى حياتى الانسانه اللى بحبها بدون زكر اسماء
7-نائب المدير بيعجبنى فيها نشاطها وهمتها وانها ليها قبول غير عادى من كل الناس وبحسدها بصراحه على دة واللى مش بيعجبنى فيها كلمه بتقولها ايه فيه بدل ما تقول فيه ايه هههههه بس
8-اه احيانا كتير بكدب فى حياتى ومش هتكسف بس بيبقى لطروف مع انى عارف انه غلط لكن انا بنى ادم مش ملاك
9- اكتر حاجه زعلت منها انى وثقت فى شخص وطلع مش محل ثقتى او خانى بمعنى اصح
10 - اذا كدبت او خانت حبيبها تسقط من نظرى
11- اعرف شخصيه البنت اللى ادامى من نظرة عيونها لان العيون فضاحه اوى واعتقد ان لغه العيون سهل معرفه مدى شفافيه الانسان اللى ادامى مع ان من الصعب جدا معرفه اللى بتفكر فيه البنت لانها مخلوق غريب وعجيب وصعب جدا
انتهت الاجابه وربنا يستر باذن الله وعموما يا مريهان مرسى على اسئلتك وان شاء الله ربنا هيهدك هههههههههه

الحمد لله عديت منها بسلام
وربنا يستر على الاسئلة الجاية
اجباتك كلها منطقية

مستر حسام بيفكر كويس قبل مايجاوب

الحمد الله يا حسام عادت على خير
الاجابات كلها منطقيه وفى حدود الاحترام مشكور

هنبدا اسئله النهارده
1-اكتر حاجه حلوه حصلتلك قريب وعايزها تحصلك تانى
2-كلمه تكره تقولها لحد
3-عرف نفسك بكلمات بسيطه
4-احلى حاجه فى حياتك
5- حاجه كان نفسك تعملها ومعرفتش
6-ماهى الكلمه التى تربكك من المراه
7-الاهم(الحب-الصداقه-الصدق-الجواز)
8-ايه رايكفى جميع اعضاء المنتدى وفى نفسك
9-هل شخصيتك فى الحقيقه تطابق شخصيتك فى المنتدى
10-سؤال اخير مدى صراحتك فى الاجابه على الاسئله
وياريت على جميع اعضاء المنتدى كل واحد يسئل سؤال لاستاذ حسام وياريت اللى شاف يعرف اللى مشفش وسؤال واحد بس

يارب الكل يسالك بس بلاش تدعى عليا بقىحرام ده انا غلبانه ومبعملش حاجه فى حد

ان شاء الله هبدء باول سؤال
لو انتا مكنتش مدرس ايه المهنى التانيه الى تحب ان تكون فيها؟؟؟؟
اعتقد سؤال سهل يا حسام
ربنا يوفقك للخير دائما

وانا هبدء تانى سؤال ايه الموقف المحرج اللى مر عليك مستر حسام

يلا كل واحد يسال مسيو حسام سؤال

يلا يا جماعه اللى عايز يسال مسيو حسام يساله عايزين نرحمه من الاسئله
ونقعد هنا على كرسى الاعتراااااااااااااااف ومفيش حد فى المنتدى هيترحم منه